CCTV: மதுரை அவுட்டர் ரிங் ரோட்டில் புதன்கிழமை காலை நடந்த விபத்தில் காரில் பயணம் செய்து கொண்டிருந்த ஒரே குடும்பத்தை சேர்ந்த 5 பேர் பலியாகினர். விபத்து நடந்த இடத்தில் பொருத்தப்பட்டிருந்த கேமராவில் பதிவான CCTV காட்சிகள் இப்போது வெளியாகியுள்ளது.
மதுரை மாவட்டம் வில்லாபுரத்தை சேர்ந்த கனகவேல் என்பவர் தனது குடும்பத்துடன் மாரியம்மன் கோயில் திருவிழாவிற்கு சென்றுவிட்டு வீடு திரும்பிக்கொண்டிருந்தார். வண்டி சிவரக்கோட்டை அருகே பைபாஸ் ரோட்டில் வந்துகொண்டிருந்தபோது அந்த வழியாக வந்த இருசக்கர வாகனம்சாலையை கடக்க முயன்றுள்ளது. அதன் மீது மோதுவதை தவிர்க்க கனகவேல் காரை வேகமாக திருப்பினார். கார் கட்டுப்பாட்டை இழந்து வாகனம் மீது மோதியது. சாலையின் நடுவே இருந்த தடுப்புச் சுவரில் இடித்து, தலைக்குப்புற கவிழ்ந்து விபத்துக்குள்ளாகி உள்ளது.
