கொடைக்கானலில் ஓய்வெடுப்பதற்காக குடும்பத்தினருடன் வந்துள்ள தமிழக முதல்வர் ஸ்டாலின் தனியார் விடுதியில் தங்கியுள்ளார். அவரது மனைவி துர்கா ஸ்டாலின் கொடைக்கானல் மேல்மலைப் பகுதியில் உள்ள பிரசித்தி பெற்ற பூம்பாறை குழந்தை வேலப்பர் கோயிலில் சுவாமி தரிசனம் செய்தார். பொதுமக்கள் அவருடன் செல்பி எடுத்து கொண்டனர்.
கொடைக்கானல் பசுமைப் பள்ளத்தாக்கு பகுதியில் உள்ள கோல்ப் மைதானத்துக்கு முதல்வர் ஸ்டாலின் சென்றார். மாலை 5.45 மணிக்குமேல் கோல்ப் கிளப்புக்குச் சென்றார். அங்கிருந்து பேட்டரி கார்மூலம் மைதானத்துக்குச் சென்றார். அங்கு சுமார் அரை மணி நேரம் கோல்ப் விளையாடி மகிழ்ந்தார்.
பின்னர் கோல்ப் கிளப் சென்று, அங்கிருந்து காரில் தனியார் விடுதிக்குத் திரும்பினார். முதல்வர் வருகையையொட்டி பலத்த போலீஸ் பாதுகாப்பு போடப்பட்டிருந்தது.
