6 ball 6 Record: கத்தார், நேபாள அணிகள் மோதிய டி20 போட்டியில் முதலில் விளையாடிய 19 ஓவர்களுக்கு 174 ரன்களில் இருந்தபோது கடைசி ஓவரை அதிரடி வீரர் திபேந்திர சிங் ஐரி எதிர்கொண்டார். கம்ரான் வீசிய 6 பந்துகளையும் 6 சிக்சர்களாக பறக்கவிட்ட திபேந்திரா வானவேடிக்கை காட்டினார். 2007 டி20 உலகக்கோப்பையில் இங்கிலாந்துக்கு எதிராக யுவராஜ் சிங், 2021ம் ஆண்டு இலங்கைக்கு எதிரான டி20 தொடரில் கிரன் பொல்லார்ட் மட்டுமே இதுவரை சர்வதேச டி20 அரங்கில் ஒரே ஓவரில் 6 சிக்சர்களை பதிவுசெய்திருந்த நிலையில் மூன்றாவது வீரராக திபேந்திர சிங் ஐரி இடம்பெற்றுள்ளார்.
இவர் கடந்த 2023ம் ஆண்டு ஆசிய விளையாட்டில் மங்கோலியா அணிக்கு எதிரான டி20 போட்டியிலும் இரண்டு ஓவர்களில் தொடர்ச்சியாக 6 பந்துகளுக்கு 6 சிக்சர்களை பறக்கவிட்டு அசத்தி இருந்தார். அந்தப்போட்டியில் 10 பந்துகளுக்கு 8 சிக்சர்களுடன் 52 ரன்களை குவித்திருந்தார் திபேந்திர சிங் ஐரி.
