மகாராஷ்டிராவில் உத்தவ் தாக்கரே தலைமையிலான சிவசேனா கட்சியை சேர்ந்த மூத்த தலைவரான சுஷ்மா ஆதிரா ராய்கட் தொகுதியில் பிரசாரம் செய்ய திட்டமிட்டிருந்தார். அவர் ஹெலிகாப்டரில் பொதுக்கூட்டம் நடைபெறும் இடத்திற்கு செல்ல திட்டமிட்டிருந்தார்.
இதற்காக தனியார் நிறுவனத்திடமிருந்து வாடகைக்கு ஹெலிகாப்டர் வாங்கியுள்ளார். சுஷ்மாவை ஏற்றிச்செல்வதற்காக இன்று காலை மஹட் பகுதியில் அமைக்கப்பட்டிருந்த இறங்கு தலத்திற்கு ஹெலிகாப்டர் வந்தது. அப்போது, ஹெலிகாப்டர் தரையிறங்கியபோது விமானியின் கட்டுப்பாட்டை இழந்து கவிழ்ந்து விபத்துக்குள்ளானது.
இந்த விபத்தில் விமானி படுகாயமடைந்தார். இதையடுத்து, விமானியை மீட்ட அருகில் இருந்தவர்கள் அவரை சிகிச்சைக்காக மருத்துவமனையில் அனுமதித்தனர். இந்த சம்பவம் தொடர்பாக விசாரணை நடைபெற்று வருகிறது.
