Cricket Players: பாகிஸ்தான் – மேற்கிந்திய மகளிர் கிரிக்கெட் அணிகளுக்கு இடையிலான ஒருநாள் போட்டி வரும் 18ம் தேதி தொடங்க இருக்கிறது. பாகிஸ்தான் கிரிக்கெட் வீராங்கனைகள் கராச்சியில் பயிற்சியில் ஈடுபட்டுள்ளனர்.
ஒரு நாள் தொடர் அணியில் இடம்பெற்றிருந்த பாகிஸ்தான் கிரிக்கெட் வீராங்கனைகளான பிஸ்மா மரூப், குலாம் பாத்திமா இப்போது கார் விபத்தில் சிக்கி காயம் அடைந்துள்ளனர். இது குறித்து பாகிஸ்தான் கிரிக்கெட் வாரியம் தகவல் தெரிவித்துள்ளது.
எங்களது அணியின் வீராங்கனைகள் கார் விபத்தில் சிக்கினர். இருப்பினும் இவர்களுக்கு சிறிய அளவிலேயே காயம் ஏற்பட்டுள்ளது. காயங்களுக்கு முதலுதவி சிகிச்சை அளிக்கப்பட்டது. இருவரும் அணியின் மருத்துவ குழுவின் கண்காணிப்பில் உள்ளனர். மருத்துவ குழுவின் முடிவை பொறுத்தே இருவரும் மேற்கிந்திய அணிக்கு எதிரான தொடரில் பங்கேற்பார்களா? என்பது தெரியவரும் என கூறப்பட்டுள்ளது.
