Hardik Pandya: குஜராத் அணியின் வெற்றிகரமான கேப்டனாக இருந்தவர் ஹர்திக் பாண்டியா. மும்பை அணிக்கு வந்ததும் கேப்டனாக நியமிக்கப்பட்டார். இது அந்த அணியின் சீனியர் வீரர்களுக்கு கடுப்பை உண்டாக்கியது. ரோஹித் சர்மா, சூரியகுமார், பும்ரா ஆகியோர் ஹர்தீக் மீது அதிருப்தியில் இருப்பதாக தெரிகிறது. இது தவிர ரசிகர்களும் ஹர்திக் பாண்டியாவுக்கு எதிராக உள்ளனர்.
நடப்பு ஐபிஎல் தொடரில் குஜராத் – மும்பை அணிகளுக்கு எதிரான போட்டியில் ஹர்திக் பாண்டியாவை ரசிகர்கள் கிண்டல் செய்தனர். போட்டி தொடங்கும் நேரத்தில் ஹர்திக் பாண்டியாவின் பெயர் அறிவிக்கப்பட்டபோது ரசிகர்கள் பூ என கிண்டல் செய்யும் விதமாக கோஷம் போட்டனர்.
இந்த நிலையில் ஹர்திக் பாண்டியா செயலில் எந்த தவறும் இல்லை என முன்னாள் இந்திய அணி கேப்டன் கங்குலி கூறியுள்ளார். விளையாட்டுகளில் இப்படியெல்லாம் நடக்கத்தான் செய்யும் என பேசியுள்ளார்.
