டி20 கிரிக்கெட் போட்டிகளால் பவுலர்கள் பந்துவீசுவதில் சிரமத்தை எதிர்கொண்டுவருவது குறித்து பேசியிருக்கும் பிராவோ, பவுலர்கள் தங்கள் திறமை மீது நம்பிக்கை வைப்பதில்லை என கூறியுள்ளார்.
இதுகுறித்து பேசியிருக்கும் பிராவோ டி20 கிரிக்கெட் போட்டிகளில் பந்துவீச்சாளர்கள் சிரமப்படுவதற்கு முக்கிய காரணம் என்னவென்றால் தங்களால் யார்க்கர்கள் வீசமுடியும் என்ற திறமையை அவர்கள் நம்பவில்லை. அதனால்தான் வீரர்கள் அதிகப்படியான அழுத்தத்திற்கு செல்கின்றனர் என்று கூறியுள்ளார்.
சிஎஸ்கே அணியில் இருக்கும் அனைத்து பந்துவீச்சாளர்களும் யார்க்கர் பந்துவீசுவதை நாங்கள் உறுதிசெய்து வருகிறோம். ஒவ்வொரு பயிற்சியின்போதும் அனைத்து பவுலர்களும் 12 முதல் 14 யார்க்கர் பந்துகளை வீச வேண்டும் என்பதில் தொடர்ந்து செயல்பட்டு வருகிறோம் என தெரிவித்தார்.
