Govt Bus: திருவண்ணாமலை மாவட்டம் வந்தவாசி அருகே அரசு பேருந்து சென்று கொண்டிருந்தது. பேருந்தில் 20க்கும் மேற்பட்டோர் பயணம் செய்தனர். அப்போது திடீரென டிரைவரின் கட்டுப்பாட்டை இழந்த பேருந்து சாலையோரம் இருந்த மின்கம்பத்தின் மீது மோதியது.
மின் கம்பத்தில் மோதியும் நிற்காமல் சென்று அருகே இருந்த வயலில் தலைகீழாக கவிழ்ந்து விபத்துக்குள்ளானது. விபத்தில் பஸ்சில் பயணித்த 15 பேர் படுகாயமடைந்தனர்.
தகவலறிந்து விரைந்து வந்த போலீசார் படுகாயமடைந்தவர்களை மீட்டு அருகில் உள்ள மருத்துவமனையில் சிகிச்சைக்காக அனுமதித்தனர். இந்த சம்பவம் தொடர்பாக போலீசார் விசாரணை நடத்தி வருகின்றனர்.
