Rahul Gandhi: நீலகிரியில் திமுக வேட்பாளர் ராசாவை ஆதரித்து பிரசாரம் செய்ய காங்கிரஸ் மக்களவை உறுப்பினர் ராகுல் காந்தி ஹெலிகாப்டரில் வந்தார். அவரது ஹெலிகாப்டரில் தேர்தல் பறக்கும்படையினர் சோதனை செய்தனர். முன்னதாக ஞாயிறன்று ஊட்டி வந்த அமைச்சர் உதயநிதி ஸ்டாலின் ஹெலிகாப்டரும் சோதனை செய்யப்பட்டது.
தமிழகத்தல் ஏப்ரல் 19ல் மக்களவை தேர்தல் நடைபெறுகிறது. தேர்தல் பிரசாரம் ஏப்ரல் 17ல் முடியவுள்ள நிலையில் பிரசாரம் சூடுபிடித்துள்ளது. அந்த வகையில் நீலகிரி தொகுதியில் பாஜக வேட்பாளர் முருகனை எதிர்த்து தற்போதைய திமுக எம்பி ராசா போட்டியிடுகிறார். ராசாவை ஆதரித்து பிரசாரம் செய்ய ராகுல் காந்தி நீலகிரி மாவட்டம் கூடலூருக்கு ஹெலிகாப்டரில் வந்தார்.
அப்போது ராகுல் வந்த ஹெலிகாப்டரில் தேர்தல் பறக்கும் படையினர் சோதனை செய்தனர். இதனால் சிறிதுநேரம் பரபரப்பு ஏற்பட்டது. நீலகிரியில் பிரசாரத்தை முடித்துவிட்டு ராகுல் காந்தி கேரளா மாநிலம் வயநாடுக்கு ஹெலிகாப்டரில் புறப்பட்டு செல்ல உள்ளார்.
