Snake Election: சேலம் மாவட்டம் ஓமலூர் அருகே திமுக வேட்பாளர் செல்வகணபதி வாக்கு சேகரிப்பில் ஈடுபட்டார். ஓமலூர் அருகே கோட்டகவுண்டம்பட்டி கிராமத்தில் உள்ள வீட்டு வசதி வாரிய குடியிருப்பு பகுதியில் மக்களை சந்தித்தார். அப்போது கூட்டத்திற்கு வந்த ஒரு இளைஞரால் பரபரப்பு ஏற்பட்டது.
அந்த பகுதியைச் சேர்ந்த இளைஞர் ஒருவர் வயலில் கிடந்த பாம்பை பிடித்து கழுத்தில் போட்டுக் கொண்டு அந்த பகுதியை சுற்றி வந்தார். இரண்டு கைகளிலும் பாம்பை பிடித்து கொண்டு தேர்தல் பிரச்சாரம் நடந்த பகுதிக்கு வந்தார். இதை கண்ட அப்பகுதி மக்கள் அச்சமடைந்தனர். அங்கு காவலுக்கு இருந்த போலீசார் அந்த இளைஞரை அங்கிருந்து அப்புறப்படுத்தினர்.
ஆனால் பிரச்சாரம் முடியும் வரையில் அந்த இளைஞர் அந்த பகுதியை சுற்றி சுற்றி வந்தார். பரப்புரை முடிந்த பிறகு பாம்பை கழுத்தில் போட்டுக் கொண்டு அந்த இளைஞர் அங்கிருந்து புறப்பட்டுச் சென்றார்.
