Madurai Bomb: மதுரை மேலூர் அருகே உள்ள கீழவளவு பகுதியில் வெடிகுண்டு வீசப்பட்ட சம்பவம் அரங்கேறியுள்ளது. கீழவளவு பகுதியை சேர்ந்தவர் நவீன் குமார் என்பவர் அங்குள்ள பேருந்து நிறுத்தம் அருகே காரின் உள்ளே இருந்துள்ளார். அப்போது அந்த வழியாக மற்றொரு காரில் வந்த நான்கு பேர் கொண்ட கும்பல் நவீன கார் மீது டிபன் பாக்ஸ் குண்டினை வீசியுள்ளனர்.
டிபன் பாக்ஸ் குண்டு நவீன் கார் கண்ணாடியின் மீது பட்டு தெரிந்தது. சுதாரித்து கொண்ட நவீன் அங்கிருந்து தப்ப முயன்ற போது அவரது கையில் பலத்த காயம் ஏற்பட்டுள்ளது. மேலும், நவீனின் காரின் அருகில் நின்று கொண்டிருந்த ஆட்டோ ஓட்டுநர் கண்ணன் என்பவருக்கும் லேசான காயம் ஏற்பட்டுள்ளது.
படுகாயம் அடைந்த நவீன் குமார் மதுரையில் உள்ள தனியார் மருத்துவமனையிலும்,லேசான காயமடைந்த ஆட்டோ ஓட்டுநர் மேலூரில் உள்ள அரசு மருத்துவமனையிலும் அனுமதிக்கப்பட்டு, தற்போது கிசிக்சை பெற்று வருகின்றனர். குண்டு வீசியது யார் என விசாரணை நடக்கிறது.
