MS Dhoni: கொல்கத்தா – சென்னை அணிகளுக்கு இடையேயான ஐபிஎல் போட்டி சென்னையில் நடந்தது. கொல்கத்தா முதலில் பேட்டிங் செய்தது. 20 ஓவர்கள் முடிவில் 9 விக்கெட்டுகளை இழந்து 137 ரன்களை சேர்த்தது. தொடர்ந்து பேட்டிங் செய்த சென்னை அணியில் ரச்சின் 15 ரன்களுக்கு அவுட் ஆனார். ருதுராஜ் நிதானமாக விளையாடினார். அடுத்தடுத்த விக்கெட்டுகளுக்குப் பிறகு டுபேவும் அவுட்டானார். அவருக்கு பிறகு அனைவரும் தோனி களத்தில் இறங்குவார் என எதிர்பார்த்தனர்.
அந்த நேரத்தில்தான் பேடுகளை கட்டுக்கொண்டு ஹெல்மெட்டையும் மாட்டிக்கொண்டு பெவிளியனில் இருந்து கீழே இறங்கினார் ஜடேஜா. இதனால் சிஎஸ்கே அணியினரே ஷாக் ஆன நிலையில், அவர் சட்டென மீண்டும் அறைக்கு திரும்பி சென்றார். பிறகு தோனி எண்ட்ரி கொடுக்க மொத்த மைதானமும் கோஷத்தால் அதிர்ந்தது. இதை செய்ய சொன்னது தோனி தான் துஷார் தேஷ்பாண்டே கூறியுள்ளார்.
