Jothimani: கரூர் மக்களவை தொகுதி காங்கிரஸ் வேட்பாளர் ஜோதிமணியை ஆதரித்து வேடசந்தூர் சட்டமன்ற உறுப்பினர் காந்திராஜன் வாக்கு சேகரிப்பில் ஈடுபட்டார். அங்குள்ள காந்திராஜன் சின்னழகு நாயக்கனூர் ஆதி திராவிடர் காலணியில் வாக்கு சேகரிக்க சென்ற போது அங்குள்ள பெண்கள்ஆரத்தி எடுத்து வரவேற்றனர்.
தொடர்ந்து எம்எல்ஏ காந்திராஜன் மக்கள் மத்தியிலோ பேச தொடங்கியபோது அங்கிருந்த போதை ஆசாமி ஒருவர் அந்த அம்மா எங்க, இதுவரைக்கும் அந்த அம்மா வந்திருக்காங்களா என்று கேள்வி எழுப்பினார். அதற்கு எம்எல்ஏ காந்திராஜன், “இருங்க நான் பேசிட்டு வந்து உங்களுக்கு பதில் சொல்றேன்” என்று கூறி பேசத் தொடங்கினார். தொடர்ந்து காந்திராஜன் பேசிக் கொண்டிருந்தபோது அந்த போதை ஆசாமி இப்படியே ஏமாத்திட்டே போகாதீங்க உங்களுக்காக எவ்வளவு பாடுபட்டோம் என்று மீண்டும் கேள்வி எழுப்பினார்.
அப்போது அங்கிருந்த கட்சி நிர்வாகிகள் போதை ஆசாமியை அப்புறப்படுத்த முயன்ற போது காந்திராஜன் விடுங்க நம்ம ஆளு தான் நமக்கு தெரிஞ்சவர் தான் என்று கூறினார்.
