CCTV Video: உத்தரபிரதேச மாநிலம் பிரயாக்ராஜ் ரயில் நிலையத்தில் ஞாயிற்றுக்கிழமை ரயிலில் ஏற முயன்ற முதியவர் அதிர்ஷ்டவசமாக உயிர் தப்பினார். 63 வயதான சஜ்ஜன் சிங் பிளாட்பாரத்தில் மதிய உணவு வாங்குவதற்காக கௌஹாட்டியில் இருந்து பிகானேர் நோக்கி சென்று கொண்டிருந்த ரயிலில் இருந்து இறங்கினார்.
ஆனால் மீண்டும் ஏறுவதற்குள் அவரது ரயில் புறப்பட்டது. உடனே ரயிலை நோக்கி ஓடிய அவர் ஓடும் ரயிலில் ஏற முயன்றார்.
அப்போது ரயில் படியில் கால் வைத்து தவறி விழுந்தார். ரயிலுக்கும் பிளாட்பாரத்திற்கும் இடையே விழ போனார்.
அதே பிளாட்பாரத்தில் நின்றிருந்த ரயில்வே பாதுகாப்புப் படையைச் சேர்ந்த சஞ்சய் குமார் ராவத் ஹீரோ போல பாய்ந்து சென்று முதியவரை காப்பாற்றினார். அந்த சம்பவத்தின் போது பதிவான ஒரு வீடியோ தற்போது வைரலாகி வருகிறது.
